Níxer

Níxer, país da África occidental, está situado ao sur de Alxeria e Libia, ao norte de Benin e Nixeria, ao leste de Burkina Faso e Malí e ao oeste do Chad.

 

A capital é Niamey.

 

Entre os recursos naturais do Níxer figuran o ouro,  ferro,  carbón,  uranio e  petróleo.

Certos animais, coma os  elefantes, os leóns e as xirafas, encóntranse aquí en perigo de desaparición en razón da destrución dos bosques.

O país ten dous terzos do seu territorio no Deserto do Sahara, que son practicamente inhabitables e constitúen todo o norte do pais. O resto esténdese polas marxes do río Níxer, con grandes sabanas onde é posible a cría de gado e a práctica da agricultura.

É nesta zona onde se atopa a capital, como tamén os principais centros poboados.

A zona desértica alcanza o seu máximo rigor no Teneré. Alí áchanse macizos montañosos como o do Aïr, que acada o seu cumio máximo no monte Bagzane, de 2022 m. As cidades máis importantes desta zona son Tahoua e Agadez.

No extremo suroriental atópase unha parte do lago Chad, que Níxer comparte con Chad, con Nixeria e con Camerún, e onde habitan os beri beri. Este lago e o río Níxer subministran a maior parte de auga potable do país.

O clima nixerino é moi caloroso, onde a temperatura media supera os 30 °C. Trátase dun clima subtropical, que é xeralmente quente e seco, existindo no extremo sur unha zona de clima tropical.




Kadre ven de Níxer e fala tamén a lingua fante, como Margaret que vén de Ghana.