Onde está Marrocos?

Durante a semana pasada incorporáronse ao grupo varias persoas provenientes de Marrocos: Hassan, Lahsen, Kaltoum e Fatima que quere prepararse para o bacharelato.

Onte, algunhas alumnas de prácticas do Master en Necesidades Educativas Especiais pasaron unha sesión con este alumnado recén chegado. Levaron todas o seu nome escrito en caligrafía árabe e amazight. Para esa hora Bashar e Abid xa se tiñan ido, senón terían aportado a súa versión en alfabeto bangla.

Esta tarde falamos da Terra, do que tarda en dar a volta arredor do Sol, e da duración do ano gregoriano comparándoo co calendario islámico, que é un calendario lunar. No calendario da Hégira estamos en 1433. Aquí podemos convertir as datas automaticamente. 

BabAziz

Níxer

Un novo alumno nas nosas clases, esta vez ven de Níxer, case no corazón de África. Chámase Kadre e é mariñeiro, só que agora nin no mar hai traballo, por iso vén a clase.
Níxer limita con Arxelia, Benin, Burkina Faso, Chad, Libia, Malí  e Nixeria.
Fálase francés porque foi colonia francesa até 1960, ano da súa independencia. A capital é Niamey.
A poboación, arredor de 15 millóns de habitantes é maioritariamente musulmana.
Xa nos contará Kadre máis cousas do seu país...

un anuncio para levantar a paletilla

Vive como galeg@



e deixa de preocuparte -don't worry- que malo será!

Bangladesh

Este curso temos compañeiros novos que veñen de Bangladesh. Os seus nomes son Bashar, Abid, Rashib e Ahmed. A súa lingua é bangla  ou bengalí pero con nós falan un pouco inglés e os que levan aquí máis tempo fala tamén algo de español.
Bangladesh é un país situado no sur de Asia practicamente rodeado polo territorio da India agás unha pequena parte que limita con Burma (Myanmar, Birmania). A sú capital é Daca, unha das cidades máis poboadas do mundo.