palabras que non son como palabras

Un poema de Nizar Kabbani (نزار قباني ), poeta sirio chamado poeta do amor, cantado pola libanesa Majda Rumi.



Palabras (Kalimât)

Cando estamos bailando,
susúrrame palabras
que non son como as palabras.
Abrázame e súbeme a unha nube.
E unha chuvia negra
esbara dos meus ollos.
Lévame a un ceo
con varandas de rosas,
síntome unha nena
collida da man.
Coma unha pluma
que leva a brisa.
Traeme sete lúas nas mans
e un ramo de cancións.
Dame un sol, un anaco de verán,
un concerto de paxaros.
Conta miles de historias
que me encandilan.
Que me fan esquecer
a música e os pasos.
Palabras que me transtornan.
Que me fan virar unha muller diferente.
Constrúeme un palacio de ilusións,
no que vivo só por uns instantes.
E ao voltar á mesa,
levo comigo palabras.
Palabras que non son coma as demais palabras.